કોંગ્રેસના આ દિગ્ગજ નેતાએ કહ્યું-`રાજ્ય સરકારે CAA લાગુ કરવો જ પડશે`, ભાજપે કહ્યું- Welcome

જયપુર: રાજસ્થાન કોંગ્રેસના વરિષ્ઠ નેતા અને વિધાનસભા અધ્યક્ષ ડો. સીપી જોશીના નિવેદનથી કોંગ્રેસમાં જ ખળભળાટ મચી ગયો છે. નાગરિકતા સંશોધન કાયદાને લાગુ કરવાના નિવેદન પર હવે ભાજપના નેતાઓ પણ સીપી જોશીને અભિનંદન પાઠવી રહ્યાં છે. રાજસ્થાન ભાજપના અધ્યક્ષ સતીષ પુનિયાએ સશિ થરુર અને કપિલ સિબ્બલ જેવા કોંગ્રેસના નેતાઓના નિવેદનનો હવાલો આપ્યો જેમણે કાયદાની મજબુરીના પગલે સીએએ લાગુ કરવાની વાત કરી હતી. 

હકીકતમાં સી પી જોશીએ શુક્રવારે ઉદયપુરમાં થયેલા એક કાર્યક્રમમાં કહ્યું હતું કે કેન્દ્ર દ્વારા બનાવવામાં આવેલા નાગરિકતા સંશોધન કાયદા એટલે કે CAAને દરેક રાજ્યએ લાગુ કરવો જ પડશે. સીપી જોશીએ વધુમાં કહ્યું હતું કે નાગરિકતા કાયદો રાજ્યનો નહીં પરંતુ કેન્દ્રનો વિષય છે. આવામાં કેન્દ્ર દ્વારા બનાવવામાં આવેલા કાયદાને રાજ્યોએ લાગુ કરવો જ પડશે. 

જુઓ LIVE TV